Ноокат районунун Кашкалдак орто мектебинде кече 24-декабрь күнү «Мыкты мугалим» конкурсу болуп өттү. Бул конкурска 8 мектептин мугалимдери катышты.

Конкурс беш этап менен жүрдү, алар 1) Сабак өтүү, 2) Көргөзмөсүн көрсөтүү жана анкетасы, 3) табылга, 4) Чүчү кулак, 5) Ыңгайсыз суроолор.

Жыйынтыгында 1-орунду Камбаралы Бобулов атындагы Барбы орто мектебинин мугалими Айчүрөк Кожомбердиева, 2-орунду Боронбай Атишев орто мектебинин мугалими Дилафруз Дарыбек уулу, 3-орунду Ак-Чабуу орто мектебинин мугалими Жанаргүл Самиева ээлешти.

Калыстар тобунун мүчөсү Зайнабидин Мамасадыковдун айтымында «Жылдын мыкты мугалими 2016 кароо сынагынын аймактык туру бардык жоболордун негизинде туура өткөрүлдү. Былтыркыга караганда бир аз мугалимдерде былтырыдай жөндөмдүүлүк азыраак бирок, активдүүлүк көбүрөөк,»- дейт Зайнабидин Мамасадыков

«Мыкты мугалим» конкурсунун жеңүүчүсү Айчүрөк Кожомбердиеванын айтымында «Өтө кыйынчылык менен келди бул жеңиш дагы, тапшырмалары дагы кыйын болду. Аябай толкунданып кандай болот экен деп анан 1-орунга жетиштим,»- дейт Айчурөк Кожомбердиева.

Көрүүчү Аймончок Курсантбек кызынын айтымында «Жакшы эле болду, ыңгайсыз суроолор болгондо калыстар тобу жакшы суроолорду беришти, мисал үчүн сизге окуучуңуз сиздин сабагыңыз жакпайт, мен сиздин сабагыңызга катышпайм десе эмне кыласыз деген ж.б суроолорду беришти,»- дейт Аймончок Курсантбек кызы.

Даярдаган: Хусейин Курсантбек уулу

Клооптун журналистика мектебине катышуу үчүн сынакка

сынакка