Ноокат районунун Куу-Майдан айылындагы Жапар Нышанов орто мектебинин заборуна фундамент куюлду. Фунтаментти 1996-жылдын бүтүрүүчүлөрү куюп беришти.

Ар жыл сайын 20 жылдык юбилей ээлери мектепке жардамын көрсөтүшөт. Ошондой эле быйылкы жылдын юбилей ээлери да өз жардамдарын көрсөтүштү.

Биздин эң негизги максатыбыз мектептин айланасын кооздоо, жаштарга үлгү болуу, ошондой эле өзүбүз окуп кеткен мектепке салымыбызды кошсок -дешет юбилей ээлери.

Фундамент куйганга 2 тонна цемент, 2 машина шагал төгүлүп, усталардын эмгек акысы кошулуп жалпы 35000 акча сарпталды.

Юбилей ээлери дагы мечитке 10 000 сом беришти жана «Айбийке» балдар бакчасына 1 тонна цемент алып беришти.

Мектеп мугалими Мубара Кадырова «Фундамент куюлганы бизге жакшы болду, себеби мурда мектептин фундаменти көчүп элдердин мал-жандыктары кире берет эле,»- дейт.

Окуучу Нурмамбет Арун уулу «Фундамент куюлуп мектебибиз жакшына, кооз көрүнүп калды,»-дейт.

Юбилей ээси Медербек Коргонбаев «мектептин фундаменти көчүп кеткен экен ошого фундамент куюп берүүнү чечтик»-дейт

Юбилей ээси Гүлмайрам Ысмайылова «өзүбүз бүтүп кеткен мектебибиз, айылдын, мектептин керегине жарасын деп ушул фундаментти куюп бердик»-дейт.

Даярдаган: Аймончок Курсантбек кызы

Сынакка