Куу-Майдан айылынын Жапар Нышанов мектебинде Мугалимдер күнүнө карата бүгүн 4-октябрь күнү концерт болуп өттү. Концертти «Ыр, бий» ийриминин катышуучулары коюп беришти.

Бул концертте окуучулар  мугалимдерге арналган ырларын, макал-лакап, бий, көркөм окууларын айтып беришти. Мындан сырткары мугалимдерди тамашага салышып тамашоу, клип аткарышты.

Концерттин соңунда мектеп дироктору Гүлзат Сапарбек кызы окуучуларга ийгилик каалап, жалпы мектеп жамаатын мугалимдер майрамы менен куттуктады.

Мектеп мугалими Болдукыз Кудайбердиева быйыл жылдагыга караганда окуучулардын катышуусу жакшы болгонун айтат.

«Балдардын активный болгону, кыздардын тамашоуга катышканы мага өзгөчө жакты. Мындан да жакшы кылып, ырдаганда жандуу үн менен ырдашса жакшы болмок»-дейт.

Мугалим Айгүл Шералиева күтүлбөгөн жерден эрте мененки окуучулардын гүлдөр менен тосуп алганы мугалимдерге дем -күч жакшы маанай тартуулаганын айтат.

«Мугалимдер күнүнө байланыштырып ийримдеги окуучулар мугалимдерге аябай сонун концерт коюп беришти. Бизге окуучулардын катышуусу, билими жакшы болсо эле ошол бизге майрам»-дейт Айгүл.

Мектеп маданият министри Айдана Таалайбек кызы «Биз бул концертке төрт күн даярдандык. Бирок аз даярдангандан улам кичине шашылыш болуп калды. Мындан да жакшы кылсак болмок»-дейт Айдана.

Окуучу Айчүрөк Куватали кызы «Биз жалпы кыздар, кыздар советин уюштуруп, атайын мугалимдер майрамына гүлдөрдү алып келип, белектерди бердик»-дейт Айчүрөк.

Даярдаган: Аймончок Курсантбек кызы.