Ноокат районунун Арбын айылында жергиликтүү кеңешке депутаттард шайланды. Шайлоодо эч кандай мыйзам бузуулар болбоду.

Шайлоо 11-декабрда болуп өткөн. Шайлоого 13 талапкерлигин коюп, алардан 6 талапкер депутат болуп шайланды. Алар: Айгүл Мамажунусова 437 добуш, Турсунай Кадырова 397 добуш, Жаныбек Алибаев 389 добуш, Садирбек Ажибаев 344 добуш, Нурланбек Анарбаев 338 добуш, Эрмамат Осмоналиев 328 добуш.

№5377 шайлоо участогунда шайлоочулардын саны 2018. Шайлоо күнү саат 13:00го чейин 244 шайлоочу добуш берген. Кечке чейин жалпы 761 шайлоочу добуш берип, жарактуу бюллетендердин саны 740, жараксыз бюллетендердин саны 21 болду.

Байкоочу Жоодарбек Анарбаевдин айтымында «бугунку шайлоо ото жакшы болду. эл тынч болду эч кандай койгойлор болгон жок»- дейт.

Талапкер Турсунай Кадырова шайлоо ойдогудай, туура, калыс мыйзам чегинде болгонун айтат.

«Депутат болсоң элдин кызматын кыласың, өзүң ойлоп ишке ашыра албай жүргөн ойлорду депутат болуу аркылуу ишке ашырса болот»-дейт Кадырова.

Даярдаган: Зарина Нурдинали кызы

Редактор: Дилнура Абдиламит кызы

Сынакка