Ноокат районунун Айбек айылында жаңы тигүү цех ачылды. Бул тигүү цехи 2016-жылдын ноябрь айында ачылган.

Азыркы учурда бул тигүү цехи айыл башчынын үйүндө жайгашкан. Кийинчерээк атайы цех үчүн имарат курулганда ошол жака көчөт.

Тигүү машиналарын 3 миллион сомго алып келишкен. Цехте 15-20 кыз келиндер иштешет. Алар кыздардын себин жана заневескаларды тигишет. Тапкан кирешеси өздөрүнүн иштегендерине жараша болот.

Цехте иштөөчү аялдар бул машиналардын келгени аябай жакшы болгонунун себеби үйүндө бекер отурбай бул машинаны иштетип бала-чаканы багып жаткандыгын айтышты.

Эргешова Асия “Азырынча биз үйрөнчүк болуп иштеп атабыз, эми жакшы үйрөнүп алсак кийимдерди да тигип, өзүбүз да ушул жерден эле кийинебиз” – дейт.

Даярдаган:Тинатин Тариэл кызы

Редактор:Дилнура Абдиламит кызы