Өлкөдөгү эпидемиологиялык кырдаалга байланыштуу быйылкы жылкы Жогорку Кеңештин депутаттарын шайлоо гигиеналык эрежелерди, аралыкты сактоо менен өтмөкчү.

3-октябрь күнү шайлоо өткөрүлүүчү жай дезинфекцияланат жана шайлоого келген ар бир жаранга беткап, колкап берилип, антисептик чачылып, аралыкты сактап шайлоочулар бирден гана киргизилет.

№5376 УШК катчысы Айжамал Абдикеримова шайлоого даярдыктар жөнүндө айтып берди.
Анын айтымында: «Азыркы учурда шайлоого даярдыктар күч, бир мүнөт да тыным жок. АШКдан келген ар бир иштерди группа менен аткарып жатабыз.

Шайлоочу залды даярдадык, форма 1, 2 боюнча иштеп жатабыз. Күн сайын тизмелерди алып келип жанылап жатабыз»-дейт.

Майыптыгы бар адамдарга пандустар орнотулганын ал эми үйлөрүнөн чыга албаган үй шартындагы шайлоочулар шайлоого 3 күн калганга чейин арыз жазып кайрылса үйлөрүндө олтуруп добуш бергенге мүмкүнчүлүк түзүлөрүн,чүчү кулактын негизинде операторлор барып добуштарын алып келишерин Куу-Майдан УШКсынын катчысы кошумчалап кетти.

Аймончок Кожонова